Җәмгыять
Питрәч районында төзекләндерү буенча 53 хокук бозу очрагы ачыкланды
Санитар-экологик ике айлык кысаларында административ-техник инспекция авыл җирлекләре башлыклары белән берлектә шәхси торак йортлар территорияләрендә төзекләндерү кагыйдәләре үтәлешен тикшерде.
Иң еш очрый торган хокук бозулар:
- Җир участогының тиешенчә карап тотылмавы. Җир участогындагы үлән чабылмау, биек булып чүп үләннәре үсү һәм моның янгын куркынычы тудыруы.
- Йорт янындагы территорияне чүп-чар басуга юл кую.
- Йорт яны территориясендә әйбердән бушаган савытларны, утын, зур габаритлы калдыкларны, төзелеш материалларын өеп кую.
Йорт хайваннарының (сарыклар, кәҗәләр, мөгезле эре терлекләр) җәмәгать урыннарында йөрүенең 3 очрагы ачыкланды.
Шулай ук исегезгә төшерәбез, транспорт чараларын яшелләндерелгән территорияләрдә, балалар һәм спорт мәйданчыкларында урнаштыру ике мең сум күләмендә административ штраф салуга китерә. Районның административ-техник инспекциясе тарафыннан мондый хокук бозуларны ачыклау буенча даими рейдлар үткәрелә.
Следите за самым важным и интересным в Telegram-каналеТатмедиа
