Җәмгыять
Питрәчле Иван Павлович Закалов үзенең 90 яшьлек юбилеен билгеләп үтте
Традиция буенча, юбилярны котларга район хакимияте вәкилләре килде.
Россия Президенты Владимир Путин исеменнән котлау хатын һәм район башлыгы Илһам Кашапов исеменнән бүләкне аңа район башкарма комитеты аппараты җитәкчесе Руслан Вәлиуллин һәм халыкны социаль яклау бүлеге башлыгы урынбасары Кайни Исмәгыйлов тапшырды.
Иван Павлович элек Шихазда авылыннан ерак түгел җирдә урнашкан Зайцевка авылында туа, бөтен гомерен авыл хуҗалыгына багышлый, районның алдынгы комбайнчысы була.
Иван Павловичны юбилее белән чын күңелдән котлыйбыз һәм аңа нык сәламәтлек, озын гомер телибез.
Следите за самым важным и интересным в Telegram-каналеТатмедиа
