Җәмгыять
Татарстанда дәүләт хезмәткәрләренең хезмәт хакы артачак
Бу хакта указны Республика Рәисе Рөстәм Миңнеханов имзалады.
2024 елның 1 июленнән Татарстанда дәүләт хезмәткәрләренең окладларын арттырачаклар.
Документта әйтелгәнчә, аларның хезмәт хакларын исәпләү өчен башкарма хакимият территориаль органнарындагы кече төркем «тәэмин итүче белгечләр» категориясендәге 3 разрядлы белгеч оклады кулланыла. 1 июльдән аны 1,05 тапкырга — 13 323 сумга кадәр индексациялиләр.
Моннан тыш, дәүләт хезмәткәрләренә ай саен премия түләү күләме үзгәрәчәк — вазифаи окладның 18 проценты урынына 41 процентны тәшкил итәчәк.
Следите за самым важным и интересным в Telegram-каналеТатмедиа
