Үз программасын питрәчлеләр сентябрьнең соңгы атнасында тәкъдим итәчәк
ТР муниципаль районнары «Татарстанның мәдәни башкаласы» конкурсы кысаларында мәдәни программа тәкъдим итәчәк.
Чара кунаклары һәр муниципалитетның уникаль мәдәни коды белән тарихи-мәдәни күргәзмәләр, иҗат коллективлары чыгышлары, туристлык маршрутлары, милли ашлар һәм халык сәнгать һөнәрләре презентацияләре аша таныша ала.
Үз программасын питрәчлеләр 26 сентябрьдә Казан шәһәрендә «Чулпан» мәдәни үзәгендә тәкъдим итәчәк.
Конкурс Татарстан Республикасы Рәисе Рөстәм Миңнеханов йөкләмәсе буенча 22 апрельдән 1 ноябрьгә кадәр төрле мәйданчыкларда уздырыла. Быел ул Россиядә игълан ителгән Гаилә елына багышлана.