Яшь йолдызчыклар призлар белән кайттылар
Питрәчнең яшь җырчылары, биючеләре һәм алып баручылары "Созвездие-Йолдызлык" фестиваленең зона этабыннан кайттылар. Анда биш районнан - Кукмара, Балык Бистәсе, Лаеш, Мамадыш һәм Питрәчтән берничә йөз бала катнашты.
Балык Бистәсе сәхнәсендә безнең районны 215 бала тәкъдим итте. Питрәчлеләр бик күп бүләк алып кайттылар. "Хореография" кече төркем номинациясендә - 1 нче урын - "Пластилин" хореография студиясе. Махсус приз - "Сказка" хореография коллективы. Беренче урынны "Пластилин" студиясе урта төркемдә дә яулады, 2 - "Гретта" хореография коллективы. Ә "Сәяхәт" бию төркемен тамашачылар хуплады, ул интерактив тавыш бирү нәтиҗәләре буенча үтте. "Вокал-соло" 1 нче кече төркем номинациясендә: 1 нче урын - Җәмилә Асадуллина, 2 нче урын - Рузанна Газизҗанова. "Вокал-соло" 2 нче кече төркем номинациясендә: Камилә Сәлимгәрәева һәм Алина Мингазова 2 нче урын алды. Вокалчыларның урта төркемендә 2 нче урын - Дмитрий Воркунов, Альбина Хөснетдинова, 3 нче урын - Кристина Сергеева, Рената Галиәхмәтова.
"Конферанс" кече төркем: Виктория Антонова махсус приз, ә Савелий Демидович - өченче урын өчен приз алды. Камилә Сәлимгәрәева шулай ук бу номинациядә урта төркемгә икенче урын алды. "Вокал ансамбльләр" номинациясендә безнең "Ла-ла-ленд" коллективы беренче, "Тоника" коллективы - икенче урын алды.
Йолдызчыкларыбызны, аларның әти-әниләрен һәм җитәкчеләрен уңышлары белән котлыйбыз.
Следите за самым важным и интересным в Telegram-каналеТатмедиа
