Цифрлы киләчәккә юнәлеш
Егошина Э.А һәм Хурамшина А.Р.
Грантлар һәм түләүләр белем бирү ландшафтын үзгәртергә ярдәм итүенең ачык мисалы булып район укытучылары хезмәте тора.
Питрәч 1 нче мәктәбендә берьюлы ике педа - гог – Э.А.Егошина һәм Ю.Н.Матросова – “Физика-математика алгарышы” проекты кысаларында сайлап алу конкурсында җиңүчеләр булдылар. Э.А.Егошина “Физика-математика профиле укытучысы” номинациясендә җиңде, ә Ю.Н.Матросова “Физика-математика профиле укытучысы” номинациясендә җиңде. Моннан тыш, Э.А.Егошина хезмәттәше А.Р.Хурамшина белән бергә “Педагог – ясалма интеллект буенча түгәрәк җитәкчесе” бүләкләрне алучылар арасына керде, уку процессына алдынгы технологияләрне кертергә әзер булуын раслады.
Питрәчнең 2 нче мәктәбеннән педагог – новатор Г.Ф.Вәлиеваның тәҗрибәсе дә шундый ук күрсәткеч. Аның карашы тирән фән белемнәрен һәм укучыларны тикшеренү эшчәнлегенә тарта белүне берләштерә. 2025 елда ук ул, үз методикаларының нәтиҗәлелеген исбатлап, “Физика-математика алгарышы” республика грантында җиңүче булды. 2026 елда Гөлчәчәк Фәнис кызы “Педагог – ясалма интеллект түгәрәге җитәкчесе” дигән түләү алды. Иске Шигали мәктәбеннән педагог М.В.Атемова проекты аеруча кызыклы, ул нейрочелтәрләргә өйрәтүне агрономия белән берләштерә алган. Аның беренчеләрдән булып гамәлгә ашырыла торган “умная теплица” инициативасы заманча технологияләрнең хәтта авыл мәктәбендә дә кулланырлык булуын күрсәтә. Укучылар нейрочелтәрле инструментларны үзләштерәләр, визуаль конструкторларда агентлар ясарга өйрәнәләр, ә аннары белемнәрен практикада кулланалар. Мондый алым укучыларга технологияләрнең чын файдасын күрергә һәм булачак һөнәрләре турында уйланырга ярдәм итә – мәсәлән, агроинженерия яки цифрлы ферма өлкәсендә.
Тагын бер мисал – Ленино Кокушкино мәктәбеннән Е.Н.Блаченованың инженерлык юнәлешендәге эше. Программа ярдәмендә ул 5-6 сыйныф укучылары өчен ясалма интелект буенча түгәрәк ачачак. Белем бирү “Гадидән катлаулыга” принцибы буенча төзелгән: башта балалар текстлар, сурәтләр һәм презентацияләр ясау өчен нейрочелтәрләр белән эшләргә өйрәнәләр, ә җиденче сыйныфта агентлар ясалма интеллект эшләнмәсенә күчәләр.
Күппрофильле лицей укытучысы В.И.Борисова билгеләп үткәнчә, педагогның төп бурычы – балаларның технологияләргә карата стихияле кызыксынуын аңлы һәм куркынычсыз юнәлешкә күчерү. Укытучы өчен ясалма интеллект – ул укучылар белән аралашу өчен вакыт булдыра торган корал. Шул ук вакытта беренче планга мәгълүматлар куркынычсызлыгы, педагогик контроль һәм технологияләргә тәнкыйди мөнәсәбәт тәрбияләү мәсьәләләре чыга.
Иң яхшы практикаларны тарату өчен ачык дәресләр, хезмәттәшләр өчен мастеркласслар һәм педагогик кейсларны тикшерү планлаштырылган. Бу башка укытучыларга балаларның төрле дәрәҗәдә әзерләнүен, техник өзеклекләрне һәм этик мәсьәләләрне исәпкә алып, ясалма интелектны үз предметларына имин һәм нәтиҗәле интеграцияләргә өйрәнергә мөмкинлек бирәчәк.
