Икенчесе өченче матч нәтиҗәләре буенча билгеләнәчәк.
Авыл яшьләре арасында район чемпионатында ярымфинал кысаларында кабат уеннар узды.
«Виктория» «Балтика»ны 11:7 һәм 8:2 исәбе белән җиңеп, икенче ел рәттән чемпионат финалына чыкты.
Икенче парда җиңүче билгеле түгел әле: монда бер-берсенә лаеклы көндәшләр – «Ред Булл» һәм «Илай» уйный. Беренче матчта «кызыл үгезләр» 5:2 исәбе белән җиңү яулады, икенчесендә шәлелеләр 4:2 исәбе белән реванш алды.
Шулай итеп, икенче финалист өченче матч нәтиҗәләре буенча билгеләнәчәк. Оттырган команда «Балтика» белән бергә бронза медальләр өчен уйнаячак.