Безнең ике уенчыбыз шәхси призлар дә яулады
Аксубайда 17 яшькә кадәрге яшүсмерләр арасында Татарстан беренчелегенең финал уеннары узды.
Финалга чыккан кызлар арасында «Питрәч» спорт мәктәбе командасы да бар иде (тренерлары – Илгизәр Гыйләҗев һәм Ленар Гайсаров).
«Юность» командасын безнең кызлар 36:19 исәбе белән җиңде һәм «Мирас»ны (Әлмәт) 51:7 исәбе белән тар-мар итте.
1 нче спорт мәктәбе командасына (Васильево, Яшел Үзән районы) 43:46 исәбе белән җиңелгәннән соң, безнең баскетболчылар икенче урынны алдылар һәм көмеш медальләр яуладылар. Васильево кызлары чемпион булды.
Ике уенчыбыз да шәхси призлар яулады: Арина Саркеева – иң яхшы кече форвард, Диләрә Хәйруллина – иң яхшы уенчы дип танылды.