Питрәч хоккейчылары Идел буе федераль округының иң көчле ун командасы арасына керде
Безнең команда үз төркемендә икенче урынны алды.
Идел буе федераль округы Федерация Кубогында катнашучы «Пестрецы-2013» командасы (тренер Александр Евграфов) ярышларның финал өлешенә чыкты. Турнирда иң көчле ун команда катнаша. Безнең команда үз төркемендә икенче урынны алды.
Финал ярышлары 25-31 мартта Тольяттиның «Лада – Арена» боз сараенда узачак.
Питрәч хоккейчылары «Ф1» төркемендә «Ак барс», «Динамо», «Волна» (барысы да Казаннан) һәм «Нефтяник» (Әлмәт) командалары белән уйнаячак. Башка төркем составы: «Ижсталь» (Ижевск), «Лада» (Тольятти), «Нефтехимик» (Түбән Кама), «Дизель» (Пенза) и «Кристалл» (Саратов).
Башта әйләнеш системасы буенча уеннар төркемнәрдә узачак, аннары стыковка матчларында Кубок иясе һәм ярыш призерлары билгеләнәчәк.
Следите за самым важным и интересным в Telegram-каналеТатмедиа