Питрәч районы чемпионы исеменә уеннар башлана

Нәтиҗәләр буенча, плей-офф сериясендә призлы урыннар өчен уйнаячак 8 команда һәм Кече кубок өчен көрәшәчәк 4 команда ачыкланды. Плей-офф сериясендә уеннар бер команда ике тапкыр җиңгәнче барачак.
Соңгы тур ике атна дәвамында барды. Нәтиҗәләр: «Энергия» - «Феникс» - 0:6, «Ред Булл» -  «Фортуна» - 6:3, «Виктория» - «Аякс» - 5:1, «Барса» - «Спортинг» - 6:1, «Арсенал» -  «Олимп» - 5:6.
Бу атнада 2 мөһим уен узды. «Легион» һәм «Аякс» үткәргән беренче матч көчле яңгыр астында узды. Шуңа күрә командалар яхшы уен күрсәтә алмады, хәер, киеренке мизгелләр дә булды. Беренче таймда исәпне шәлелеләр ачты, ә ленинококушкинолылар аны тигезләде. Уен 1:1 исәбе белән тәмамланды. Шунысы кызык, чирекфиналда бу командалар бер-берсе белән ярымфиналга чыгу өчен уйнаячак.
Тагын бер мөһим уен «Дортмунд» һәм «Феникс» командалары арасында булды, җиңүче сигезенче урынны алыр һәм призлы урыннар өчен уйнавын дәвам итте. Киеренке көрәштә 5:4 исәбе белән «Дортмунд» җиңде һәм 8 урынны алды.
Даими чемпионат нәтиҗәләре буенча командалар түбәндәге урыннарны яуладылар:
1. «Барса» - 26 очко, 2. «Ред Булл» - 25, 3. «Легион» - 23, 4. «Олимп», 5. «Виктория» - 22шәр, 6. «Аякс», 7. «Арсенал» - 21шәр очко, 8. «Дортмунд» - 14, 9. «Феникс» - 9, 10. «Фортуна», 11. «Энергия», 12. «Спортинг» - 3әр очко.
Чирекфинал нәтиҗәләре буенча «Олимп» - «Виктория», «Легион» - «Аякс», «Барс» - «Дортмунд»,
«Ред Булл» - «Арсенал» уйнаячак.
Ярымфиналларда Кече кубок өчен «Энергия» - «Спортинг» һәм «Феникс» - «Фортуна» очраша.
Исегезгә төшерәбез, барлык уеннар да бер команда ике тапкыр җиңгәнчегә кадәр барачак.
Чемпионаттан соң, гол+пас системасы буенча иң яхшы бомбардир исемен Данил Воркунов («Барса», 28+7=35) һәм Сергей Одинцов (27+8 =35) бүлеште. Өченче урында Данил Захаров (икесе дә «Виктория»дән, 19+10). 28 тапкыр көндәшләр капкасына туп керткән Данил Воркунов иң яхшы снайпер булды.