“Бу акчалар – бик яхшы ярдәм”

Район башкарма комитеты җитәкчесе урынбасары Зимфира Мөхәммәтгәрәева һәм район пенсия фонды идарәсе башлыгы Искәндәр Әхмәтҗанов тагын дүрт бәхетле анага - Ольга Погодина, Ольга Шәйхелисламова, Люция Әхмәтҗановага һәм Алсу Вәлиуллинага сертификатлар тапшырды. Аларга гаиләләренә иминлек, сабыйларының сау-сәламәт булып, игелекле булып үсүләрен һәм уңышлар теләде.
Хәзерге вакытта ана капиталы суммасы - 453026 сум тәшкил итә. 2015 елдан ул үзгәрешсез кала.
Питрәч гаиләләренең күпчелеге ана капиталы средстволарын торак шартларын яхшыртуга тота (шулай ук аны баланың укуына яки ананың булачак пенсиясенә тотарга була).
- Без фатир алырга телибез, - ди ике малай анасы Ольга Шәйхелисламова. - Барысын да ныклап уйладык та акчаны шул максат өчен тотарга булдык. Бу сертификат - бик зур ярдәм.