Алга (Вперед)
  • Рус Тат
  • Шәле авылыннан Зөлфия Гыйниятовадан өлкәннәргә шигъри бүләк

    Өлкәннәргә баш иябез

    Язлар үткән,
    Җәйләр җиткән,
    Көзләр килгән.
    Безнең буын
    Сезнең алда
    Башлар игән.
    Ертык күлмәк,
    Оекбашлар
    Бәйләп кигән.
    Күпме моң-зар,
    Михнәтләрдән
    Өлеш тигән.
    Ятимлекне,
    Толлыкны да
    Сезгә биргән.
    Сез бит инде
    Өлкәннәрем
    Хезмәт сөйгән.
    Урак урган,
    Кибән куйган,
    Эскерт өйгән.
    Азмы-күпме
    Гомерендә
    Янган-көйгән.
    Толлыкта да
    Мәхәббәтен
    Саклый белгән.
    Елар чакта
    Белгертмәгән,
    Тыштан көлгән.
    Балалар, - дип
    Тирен түккән,
    Утка кергән.
    Эч серләрен
    Белгертмәгән
    Тирән төргән.
    Ничә чакрым
    Юл үтсә дә,
    Җәяү йөргән.
    Намазларын
    Калдырмаган.
    Иман биргән.
    Намусына
    Тап төшерми
    Яши белгән.
    Бер телемне
    Ун-унбишкә
    Гадел бүлгән.
    Кеше - дигән
    Сүзне һич тә
    Каралтмаган.
    Ялганны ул
    Гомер буе
    Яратмаган.
    Сезнең алда,
    Өлкәннәрем,
    Баш иябез!
    Картаймыйча
    Яшәгезче
    Сез, - диябез!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: