19 июль 2019 яңалыклары
-
Питрәчлеләр легендар Бородино сугышы урынында булдылар
Иске Шигали авылының Форпост отряды әгъзаларына Мәскәү өлкәсендә легендар Бородино сугышы урынында урнашкан “Бородино 2019” хәрби-тарихи лагеренда булу бәхете елмайды. Егетләр һәм кызлар кыр шартларында, зур палаткаларда яшәгәннәр. Көндез алар махсус дәресләрдә булганнар, ә кич белән мәдәни программа караганнар.
-
Тиздән матур һәм уңайлы булачак
Сәламәтлек – кешенең иң мөһим һәм кыйммәтле байлыгы. Шуңа күрә халык өчен медицина хезмәте күрсәтүнең үсешен тизләтү һәм сыйфатын күтәрү дәүләт мәшәкатьләре исемлегендә беренче булып тора. Республика авыл җирлекләрендә халыкка беренчел медик-санитар ярдәм күрсәтүне камилләштерү һәм яңа табиблык амбулаторияләре төзү программасына Татарстан Президенты Рөстәм Миңнеханов инициативасы буенча 2012 елдан старт бирелде. Ел саен безнең районда заманча дәвалу учреждениеләре төзелә һәм ремонтлана. Хәзерге вакытта Пановка авылында модульле технология буенча табиблык амбулаториясе төзелә, ә Татар Казысында - яңа ФАП. Шулай ук бүгенге көндә Ленино-Кокушкино авылында табиб амбулаториясен төзекләндерү тулы куәткә бара.
-
Инвалид балаларны карау буенча түләүләр арта
Үзенчәлекле балаларга аерым тәрбия кирәк. Шуңа күрә аларга ярдәм итү өчен махсус льготалар һәм пособиеләр булдырылган. 1 июльдән инвалид балаларны һәм балачактан инвалид булган балаларны карау буенча айлык түләү шактый артты.
-
Озын гомер сере – даими хәрәкәттә
Районыбызның иң күренекле кешеләренең берсе Павел Андреянович Лазарев үзенең туксан яшьлек юбилеен билгеләп үтте. Гадәттәгечә, аны котларга хакимият вәкилләре һәм аны яратучы зур гаиләсе килгән иде.
-
Намус белән әзерләндек, күңел биреп эшләячәкбез
Урак өстенә санаулы көннәр калып бара. Комбайнчылар белән бергә аларның ярдәмчеләре, ындыр табагы хезмәткәрләре, механизаторлар һәм, гомумән, уңыш язмышына битараф булмаган барлык кешеләр дә бу көннәрдә вакытларын ремонт эшләрен төгәлләүгә багышлыйлар. Кыр эшләренең барышы аларга тапшырылган техниканың торышына бәйле. Районда, гадәттәгечә, комбайннар парады башланды, район белгечләре республика Авыл хуҗалыгы министрлыгы вәкилләре белән бергә комбайннар һәм башка техника торышын тикшерә башладылар. Бер көн эчендә алар районның дүрт хуҗалыгында булдылар: “Агролак” ҖЧҖ, “Рацин-Шәле” ҖЧҖ, “Ак барс-Питрәч” ҖЧҖ һәм “Дәүләтшин А.Р” КФХда.
-
"Скорлупино” фестивален күрми калма!
Иртәгә, шимбә көнне, 20 июльдә Питрәч авылының Наратлык урманында "Скорлупино” Бөтенроссия фестивале узачак. Бәйрәм программасы бик бай һәм кабатланмас булыр дип көтелә.
-
Иске принциплардан баш тартабыз, барьерларны җимерәбез
Питрәчтә “Барьерларга - цифрлаштыру!” проекты презентациясе узды. Проектның максаты - CRM-платформа аша район инвесторлары һәм эшмәкәрләре белән системалы эш оештыру. Әлеге очрашуда республиканың егерме биштән артык районыннан район башлыклары һәм башкарма комитет урынбасарлары, шул исәптән, Әлмәт һәм Казан кебек эре шәһәрләр вәкилләре катнашты.
