Гайфетдин Рәимов 17 яшендә хезмәт итәргә китә

Мамадыш районының Яңа Уча авылында туган Гайфетдин Рәимов (06.03.1927) 1944 елның 20 октябрендә армиягә китә, ул вакытта аңа 17 яшь була. Егет Төньяк флотның артиллерия дивизиясенә эләгә. Наводчик булып хезмәт итә.
Сугыштан соң Гайфетдин Сафиулла улы авыл хуҗалыгы техникумын, соңрак шушы юнәлеш буенча институтны тәмамлый һәм үзен авыл хуҗалыгы эшенә багышлый. Ул Питрәч районына 1967 елда килгән. Шул вакыттан безнең район тормышында кайнаган. Ул күп кенә чараларда: төрле ярышларда, спартакиадаларда һәм очрашуларда даими катнашты.