Алар кырда игенчеләр өчен җырлар башкардылар.
Бүген анда катнашучылар Шәле авылы хуҗалыгының Чыты бүлекчәсе иген басуларында булдылар. Анда 8 комбайнчы һәм аларның ярдәмчеләре эшли, алар арпа җыялар. Ашлык ташуга 7 КамАЗ җәлеп ителгән. Төшке аш вакытында мәдәният йорты хезмәткәрләре игенчеләргә үз җырларын башкардылар.
Мондый концертлар күңелне күтәрә. Барыбыз да бердәм рухта эшлибез. Безнең бурыч – уңышны югалтуларсыз җыеп алу, - диде Дмитрий Алексеев, бу урып-җыюда ул контролер булып эшли.