Өлкән яшьтәге питрәчлеләр йортларында янгын хәбәргечләре урнаштыралар
Район 663 данә янгын чыгуны тиз арада ачыклау чарасы алды, аларны 21 авыл җирлегенә бүлеп бирделәр.
Иң күп янгын хәбәргечләрен Шигали, Богородск, Питрәч һәм Ленино-Кокушкино авыл җирлекләре алды.
Питрәч авыл җирлегендә аларны азык-төлек пакетлары белән бергә тараттылар. Әлегә 32 хәбәргеч урнаштырылган.
Бөтен кешене дә өйдә очратып булмады, шуңа күрә бу эш дәвам итә, - дип сөйләде Павел Сиваев.
Күн авыл җирлегендә бу эшне төгәлләделәр инде. Мондый хәбәргечләр 23 йортта барлыкка килде.
Алар арасында тыл хезмәтчәннәре, ялгыз яшәүче өлкән кешеләр, 85 яшьтән өлкәнрәкләр бар, - дип билгеләп үтте Күн авыл җирлеге башлыгы Рифкат Баһауов.
Шигали авыл җирлегендә аларны урнаштыру белән "Царево" ОП хезмәткәрләре шөгыльләнә. Бүгенге көндә алар әлеге категориядәге 10нан артык кешедә булдылар.
Следите за самым важным и интересным в Telegram-каналеТатмедиа
