Җирле шагыйрәбездән шигъри бүләк

Февраль бураннары
Февраль уртасы җитмәгән
Ашыктыра кышны яз:
Челтерәп гөрләвек ага,
Көн кояшлы бик аяз.
Ап-ак карны сыйпап үтте,
Февраль җиле иркәләп.
Гөрләвекләр агар өчен
Яз җитмәгән иртәрәк.
Карлар эреп, көпшәкләнеп,
Пыяла күк ватыла.
Кояшка һич карап булмый,
Күз камаша, чагыла.
Февраль бураннары тагын
Әле уйнап үтәчәк.
Ә шулай да инде җаным,
Ямьле язны көтәчәк.