Бу хакта чараны оештыручылар хәбәр итте.
Питрәч авылында «Үлемсез полк» онлайн-акциясендә катнашу өчен Бөек Ватан сугышы ветераннарының фотосурәтләрен җыю башланды.
Катнашу өчен ветеранның JPG форматындагы фотосын miftakhova-2019@inbox.ru электрон почтасына җибәрергә кирәк. Фотосурәт сугышта катнашучының фамилиясе, исеме һәм атасының исеме белән махсус рамкада ясалырга тиеш. Гаризалар 8 майга 12:00 сәгатькә кадәр кабул ителәчәк.
Кабул ителгән барлык фотолар 9 майда Питрәч балалар шәһәрчегендә урнаштырылган мониторда трансляцияләнәчәк. Оештыручылар халыкны акциягә кушылырга һәм Бөек Ватан сугышы геройларын искә алырга чакыра.