Укучыбыздан шигъри күчтәнәч

Икмәк үстерүчеләргә зур рәхмәт

Табигать алтын төс алды -
Нинди матурлык!
Игеннәр җыелып бетте -
Ил мактанырлык!
Еракка китү кирәкми
Дан яулау өчен -
Үзеңнең туган җиреңдә
Куйсаң ир көчен!
Алтын куллы игенчеләр
Тракторларда.
Иртә таңнан кичкә кадәр
Булдылар кырда.
Ашлык белән, икмәк белән -
Тулды амбарлар.
Алларында баш ияргә
Лаеклы алар!
Гомерләрдән бәяләнгән
Бу хезмәт – үрдә!
Икмәк белән игенченең
Урыны – түрдә!
Туйганчы икмәк ашыйбыз
Без кулга тотып.
Икмәк үстерүчеләргә -
Мең рәхмәт укып!