Җәмгыять

Көзге каникулда балалар ялларын ничек үткәрә ала

Бүген дә дәресләр юк, иртәгә дә

Көзге каникулда балалар ялларын ничек үткәрә ала, шул турыда сөйләячәкбез.

  • Каникулларны «Батыр» кинотеатрында күңелле һәм онытылмас итеп үткәрергә мөмкин. 8 ноябрьгә кадәр балалар өчен мультфильмнар һәм патриотик фильмнар буенча мавыктыргыч киномарафон уздырылачак. Расписаниесен 3-10-35 номеры буенча белергә була.
  • Әгәр балагызның күп кенә яңа белем алуын теләсәгез, Питрәч туган якны өйрәнү музеена барыгыз. Анда аларны интерактив һәм танып-белү мастеркласслары һәм конкурслар көтә. Мәсәлән, чәчәкләр ясау буенча мастер-класс, «Минем милләтем – аның белән горурланам!» һәм башка бик күп нәрсәләр. Тулырак мәгълүмат 3-0684 телефоны буенча.
  • Каникулларны спорт белән  шөгыльләнеп тә  үткәрергә була. Күп кенә җирлекләрдә саф һавада спорт уеннары оештырыла. 5 ноябрьдә 11.00 сәгатьтә Татар Тау Илендә «Спорт - ул тормыш» дигән чара узачак. Шул ук көнне Татар Казысында 10.00 сәгатьтә «Тылсымлы туп» чарасы узачак.
  • Авыл мәдәният йортлары да төрле күңел ачу чаралары әзерләгән. Өйдә калырга теләүчеләр өчен онлайн-режимда чаралар узачак. Өйдән чыкмыйча, дөнья музейларында, кызыклы экскурсияләрдә булырга, мастер-классларда һәм конкурсларда катнашырга мөмкин булачак.
  • Трансляцияләргә сылтамалар мәдәният йортларының рәсми төркемнәрендә басылачак.

 

Бу мөһим
Коронавирус турында да онытмаска кирәк. Балаларыгызның битлек киеп, кулларын юып, антисептиктан файдалануларын күзәтеп торыгыз.
Имеш-мимешләргә ышанмагыз
Питрәч укучыларының ялы киләсе дүшәмбегә кадәр дәвам итәчәк. Дистанцион укуга күчү, каникулларны озайту планлаштырылмый.