Быелгы курслар Татарстанда игълан ителгән Милли мәдәниятләр һәм гореф-гадәтләр елы кысаларында үткәрелә.
Кышкы каникул көннәрендә Питрәч районы мәчетләрендә мәктәп балалары өчен рухи-сәламәтләндерү чаралары узачак.
Сабыйлар ислам дине фәннәре (гакыйдә, фикъһе, пәйгамбәрләр тарихы, гарәп теле, Коръән һ.б.) белән танышып кына калмыйча, әдәп-әхлак тәрбиясе алачак, моңа кадәр үзләштергән белемнәрен тирәнәйтәчәк.
Түбәндә район мәчетләрендә рухи-сәламәтләндерү курслары, аларның үтү урыны, вакыты, үткәреләчәк чаралары турында тулы мәгълүмат бирелә. Биредә күрсәтелгән телефоннарга шалтыратып, әти-әниләр балаларның ялын файдалы үткәрү буенча белешә ала.
| № | Үткәрү вакыты | Үткәрү урыны | Үткәреләчәк чаралар | Элемтә өчен телефоннар |
| 1 | 05.01-08.01 | Питрәч районы Яңа Шигали авылы, Габдрахман ибн Гауф исемендәге мәчет | 10.00-дән 15.00-гә кадәр 8 яшьтән өлкәнрәк малайлар өчен кышкы дини яллар: гарәп телен өйрәнү, намаз, тәһарәт нигезләре, догалар һәм кыска сүрәләр ятлау, актив уеннар, квестлар, төшке аш, истәлекле бүләкләр. Бәясе: 1500 сум. | 89274420165 (Данис хәзрәт) |
| 2 | 03.01-07.01 | Питрәч районы Званка авылы, “Рамазан” мәчете | Малайлар өчен Коръән ятлау буенча курслар | 89061082674 (Илдар хәзрәт) |
| 3 | 06.01-08.01 | Питрәч районы Богородск авылы | 09.00-дән 12.30-га кадәр 6-12 яшьлек балалар өчен дини дәресләр, рухи-әхлакый тәрбия, интерактив уеннар, тәм-томнар белән чәй эчү | 89083477791 (Нуршат хәзрәт) |