Питрәч студентлары махсус хәрби операциядә катнашучы белән очраштылар

Ленино-Кокушкино авылындагы П.В. Дементьев исемендәге Казан авиация-техник колледжы филиалы студентлары махсус хәрби операциядә катнашучы якташлары Александр Федосеев белән очраштылар.

Александр үзе дә бу көллиятне тәмамлаган, "тракторчы - машинист" һөнәре буенча укыган.

Сугышчы балаларны Ватанны яратырга, армиядә хезмәт итүдән качмаска чакырды. Студентлар Александрның үз хезмәте турында сөйләгәнен зур кызыксыну белән тыңладылар.

Очрашу фикер алышу рәвешендә узды, укучылар үзләрен кызыксындырган сорауларын бирделәр.