Китапның тиражы – йөздән артык нөсхә
Питрәч авылы китапханәсендә Зөлфия Габдрахманованың «Йөрәгемне тыңла, тын гына» дигән шигырьләр һәм хикәяләр җыентыгын тәкъдир итү булды. Китап СВО зонасында һәлак булган уллары Азат һәм Илназга багышлана.
Автор җыентыкның чыгуын зур вакыйга дип атады. Бу аның мәктәп елларындагы хыялы иде. Зөлфия Габдрахманованың беренче шигыре «Җир җиләге»дип атала. Ул аны 9 нчы сыйныфта ук язган.
Китапта, нигездә, шигырьләр урын алган, хикәяләр дә бар. Зөлфия Габдрахманова табигать, ана, тормыш турында яза.
– Улларым миңа: «Әни, без кайткач, китабыңны чыгарырбыз», - диләр иде. Ләкин аларга кире кайтырга насыйп булмады. Мин аны алардан башка, ләкин алар хөрмәтенә чыгардым, – ди автор.
Зөлфия Габдрахманова бу эштә ярдәм иткән Николай Александровка һәм Нурия Камалетдиновага рәхмәтле.
Чарага авторның туганнары, дуслары һәм күршеләре җыелды. Алар авторның шигырьләрен укыдылар һәм китап турындагы тәэсирләре белән уртаклаштылар. Бәяләмәләр – иң яхшылары. Китапларны мәктәпкә, музейларга, китапханәләргә тапшырдылар. Җыентыкның тиражы – 120 данә. Җыентык кече улы Илназның юбилеена багышлап чыкты.
Автор улларын югалту газабы беркая да китми, дип таный. Ләкин шигырьләр язганда һәм сагышын кәгазьгә күчергәндә, аңа җиңелрәк була.