Питрәч районында бу атнада чәчү эшләре төгәлләнү көтелә

Кышын  кар күп яву һәм озакка сузылган яңгырлар аркасында, язын кыр эшләре гадәттәгедән соңрак башланды.  Һава торышы көйләнде, аграрийлар инде финишка чыкты. Эшләр 75%ка башкарылган.

Район кырларында бөртекле, азык һәм техник культуралар – бодай, кукуруз, рапс, борчак, солы, арпа, вика, көнбагыш, борчак, катнаш үлән, берьеллык һәм күпьеллык үләннәр чәчелә. 

Районның авыл хуҗалыгы һәм азык-төлек идарәсе мәгълүматларына караганда, 31 май иртәсендә «Ак Барс Питрәч» хуҗалыгында - 90, «Макс-Ойл»да - 80, «Питрәчагрохим»да һәм кайбер кечкенә КФХларда - 100 процентка чәчүне төгәлләделәр.