Питрәч районы авылында күп балалы гаилә үтенече буенча юл төзекләндерелде
Бу хакта муниципалитетның матбугат хезмәтендә хәбәр иттеләр.
Питрәч районы Шәле авылында Отрадная урамы буенча юл төзекләндерелде. Эшләрне торак пунктта яшәүче бер хатын-кыз район башлыгы Илһам Кашаповка мөрәҗәгать иткәннән соң башкардылар.
Авылда яшәүче бер ханым башлыкка күптән түгел гаиләдә өченче бала тууын, аны еш кына педиатрга алып барырга кирәклеге турында сөйләде. Ә йорт янындагы юл начар хәлдә булган.
Ремонт эшләре авыл җирлеге акчасына башкарылды. Илһам Кашапов аларның нәтиҗәләре белән танышты, шулай ук мөрәҗәгать иткән хатын-кыз белән очрашты.
Питрәчле район башлыгына рәхмәт белдерде. Аның сүзләренчә, эшләрне вакытында ясаганнар, хәзер көзге яңгырлар аларга куркыныч түгел — теләсә нинди һава торышында юлдан йөреп булачак.
Следите за самым важным и интересным в Telegram-каналеТатмедиа
