Питрәчлеләр "Җиңү тәрәзәләре" Бөтенроссия акциясенә кушылды

Питрәч районында 1 майдан «Җиңү тәрәзәләре» Бөтенроссия патриотик акциясе старт алды. Ул 9 майга кадәр дәвам итәчәк.
Татар Тау Иле, Шәле мәктәбе укучылары, шулай ук Ленино Кокушкино авылының Яшьләр үзәге әлеге акциягә актив кушылды.
Патриотик акциядә теләгән һәркем катнаша ала.

Исегезгә төшерәбез, акциядә катнашу өчен үз фатирыгызның, йортыгызның тәрәзәләрен Бөек Җиңүгә багышланган рәсемнәр, фоторәсемнәр һәм язулар белән бизәргә кирәк. Аларны фотога төшереп, фоторәсемнәрне #Окнапобеды2021 хештегы белән социаль челтәрләргә урнаштырыгыз.