Питрәчтә архив эше буенча методик семинар узды

Очрашу ике мәйданчыкта узды - Питрәч икенче мәктәбендә һәм район мәдәният йортында.
Мәгариф һәм авыл хуҗалыгы оешмаларында архив эшен формалаштыру һәм алып бару тәртибе темалары каралды. Семинарга барлыгы 11 авыл хуҗалыгы предприятиесе вәкилләрен чакырдылар.
Семинар программасына шулай ук Татарстан Республикасының архив тармагы турында фильм карау да кертелде. Республика архивлары хәзинәләре, тасвирламалар төзү нигезләре һәм башкалар турында сөйләштеләр.
Очрашуны ТРның Архив эше буенча дәүләт комитеты оештырды.