Су белән тәэмин итү буенча бурычлары булган питрәчлеләргә суд тикшерүе яный

Аңа «Питрәч коммуналь челтәрләре» МУП җитәкчесе Әмир Хәйбуллов җавап бирде.

- Еш кына кулланучылар түләүне озакка суза, шулай итеп аларның шактый бурычлары җыела. Өч айдан артык түләмәүчеләргә җыелган бурычлары өчен суд дәгъвалары килә. Ә аеруча да намуссыз түләмәүчеләргә язын чикләү, ә соңыннан су белән тәэмин итү системасына тоташуны туктатып тору яный. Электрны өзү һәм кабат тоташтыру эшләре өчен кулланучы түлиячәк.
Предприятие претензия-дәгъва эшен актив башкара. Судларга коммуналь хезмәтләр (су һәм канализация) өчен бурычлар буенча 192 гариза бирелгән, 105 суд приказы суд приставлары хезмәтенә тапшырылган, 21 суд приказы үтәлгән. Агымдагы елның 2 аенда гына да МУП хезмәткәрләре 180 судка кадәр таләп куйган, аларның 23е буенча абонентлар ирекле рәвештә түләгән.
Безнең һәрберебезгә коммуналь хезмәтләр өчен түләүне үз вакытында - үткән айдан соң килүче айның 10 числосына кадәр кертергә кирәк. Пеня исәпләүне яки суд приставының килүен көтмәгез.
Бер тапкыр торак-коммуналь хезмәтләр өчен түли алмаучыларга предприятие шәхси түләү графигын төзергә әзер. Моның өчен ресурслар белән тәэмин итүче оешмаларга гариза белән мөрәҗәгать итәргә кирәк.
Бурычлар турында искә төшерүче кәгазьләр килсә, аның сәбәбен һәм түләү ысулларын ачыклагыз. Шулай итеп, үзегезне суд тәртибендә җаваплылыктан саклап калачаксыз.