Алга

Питрәч районы

18+
Рус Тат
2024 - год Семьи
Спорт

«Пестрецы-2013» хоккей командасы республика беренчелегендә дүртенче урын алды

Медальләр алуга бер адым гына калган иде

Алабугада 2013 елгы егетләр арасында хоккей буенча финал уеннары узды, анда 6 команда катнашты.

Питрәч хоккейчылары беренче уенда «Стальные совы» командасын (Чиремшән) 5:2 исәбе белән җиңеп, ярымфиналга чыкты. Безнекеләрдән алкаларны Адель Шигапов, Тимофей Нефедов, Артем Вангаев, Кирилл Пушков һәм Наил Мифтахов кертте. 

Ярымфиналда «Пестрецы-2013» «Лесные пчелы» командасы белән уйнады. Уен тигез көрәштә барса да, матч уртасында безнең егетләр бирештеләр һәм 3:8 исәбе белән җиңелделәр (алкаларны Наил Мифтахов, Артем Вангаев һәм Кирилл Пушков кертте).

Өченче урын өчен Кукмараның «Ягуар» командасы белән уенда питрәчлеләр 2:1 исәбе белән алда бардылар, ләкин 2:4 исәбе белән отылдылар (алкаларны Наил Мифтахов һәм Тимофей Нефедов кертте). Нәтиҗәдә, безнекеләр дүртенче урын алды. Команданың тренеры – Александр Евграфов.

Республика чемпионы булып «Ак барс» командасы (Казан) танылды, ул финалда «Лесные пчелы» командасын 5:0 исәбе белән җиңде.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Теги: спорт Сәламәт яшәү рәвеше