«Әлбәдән» фестивалендә ике көн эчендә 24 мең тамашачы булган

«Әлбәдән» Бөтенроссия тарихи реконструкция фестивален ике көн эчендә 24 мең тамашачы карады. Катнашучылар, хәрби техника, кавалерия һәм авиация масштабы буенча 2026 елгы фестиваль Россиядә иң масштаблы тарихи вакыйгаларның берсе исеменә дәгъва итә.

Кунаклар 400гә якын реконструктор һәм 32 берәмлек техника катнашында өч реконструкцияне күрделәр. Иртәнге сәгать 4тәге реконструкцияне1500 кеше караган. Фестивальдә Татарстан Рәисе Рөстәм Миңнеханов булды.

Мәскәү өлкәсеннән «Баллада» клубы командасы, Рус тройкасы музееннан Орел юртаклары өчлеге, Ульяновск һәм Татарстаннан атлы группалар чыгышлары фестиваль бизәге булды. Күктә Башкортстаннан пилотаж төркеме чыгыш ясады — алар Россиядә бердәнбер җиңел һава транспортында чыгыш ясаучы.

Территориядә интерактив мәйданчыклар эшләде. «Хәтер дивары»на сугышта катнашучыларның 300гә якын фотографиясен җибәргәннәр. 396 экспонат урнашкан Петр Гаврилов музеена 4 меңнән артык кеше килгән.

Концерт программасы ике сәхнәдә үтте: «Белорусские легенды», Александр Маршал, «Катюша» клубы, «Добробат» СВО ветераннары төркеме һәм Питрәч районы, Казан һәм Марий Эл коллективлары чыгыш ясады.