Сезгә аларның җавапларын тәкъдим итәбез.
Төрле мәктәп укытучыларына, үз һөнәрегезне ни өчен яратасыз, дигән сорау бирдек.
Наилә Җәләлиева, Шәле мәктәбенең биология һәм химия укытучысы:
– Һөнәремне химик реакцияләр могҗизасын күргәнгә һәм тере күзәнәкләрнең серләрен белгәнгә, формулалар балаларга аларның үзләре турында сөйләгәндә, укучыларның күзләрендәге очкыннарны күргәнем өчен яратам. Тереклек һәм җансызлыкны, микроскоптан карап кына түгел, ә эшләрдә дә аера алырга өйрәтәм. Фикерне кристаллны яки фасоль үсентесен үстергән кебек сабырлык белән үстерәм.
Зөлфия Җиһаншина, Татар Тау Иле мәктәбенең биология укытучысы:
.png)
– Фәнгә юл күрсәтүче булырга яратам: закончалыкларны күрергә, сораулар куярга һәм җаваплар эзләргә ярдәм итәм. Фикердән чын ачыш тугач, тикшеренү эше илһамландыра. Биология – коры параграфлар түгел, ә җанлы сораулар.
Нина Ларионова (математика һәм татар теле) һәм Гөлинә Сафиулина (рус теле һәм әдәбияты), Кощак мәктәбе:
.png)
– Ачышлар шатлыгы, елмаюлар һәм кызыксынулы карашлар өчен. Көн саен яңа бурычлар куелгач, даими үсештә булуыбыз өчен. Һөнәребез тормышта тирән эз калдыру мөмкинлеге бирә: мәсьәләләр чишәргә генә түгел, ә кеше булырга да өйрәтәбез.
Саимә Шаһиәхмәтова, Иске Шигали мәктәбенең инглиз теле укытучысы:
.png)
– Һөнәремне киләчәккә йогынты ясый алуым, узган белән киләчәк арасында күперләр сала алуым өчен яратам. Башкаларга юл яктыртсын өчен йолдызлар кабызам.
Вафия Кәримуллина, Татар Казысы мәктәбенең математика укытучысы:
.png)
– Укытучы һөнәре – катлаулы һәм кызыклы һөнәрләрнең берсе. Чын укытучы – бәхетле кеше, чөнки аның кулында бөтен кешелек бәхете. Барлык һөнәрләр дә мөһим, әмма укытучы эше барысы алдында аерым урын били, чөнки остаз һөнәре – уңдырышлы туфракка орлык чәчүне хәтерләтә.
Чулпан Даминова, Күн мәктәбенең чит телләр укытучысы:
.png)
– Иң авыры – балаларның йөрәгенә юл табу, аларга якынаю, ә иң күңеллесе аларның күзләрендәге шатлык һәм яратуны күрү. Балаларның тырышып укуларын, тәртипле булуларын һәм күзләре һәрвакыт кызыксынудан янып торуын теләр идем.
