Бу хакта мәшгульлек үзәге хәбәр итә
Питрәч районы мәшгульлек үзәге эшсез гражданнарны бушлай курслар үтәргә чакыра.
Куркынычсызлык һәм транспорт өлкәсендә эшләргә теләүчеләр өчен 4 разрядлы каравылчы, «В»,«С» категорияле машина йөртүчеләр, шулай ук йөк төягеч йөртүчегә (егәрлеге 4 кВт ка кадәр) өйрәтү оештырылган.
Матурлык һәм хезмәт күрсәтү өлкәсендә түбәндәге программалар бар: косметик-эстетист, 3 разрядлы чәчтараш, керфек үстерү буенча мастер, маникюр һәм педикюр остасы, визажист, флорист.
Җәмәгать туклануы өлкәсендә 3 разрядлы пешекче яки 3 разрядлы кондитер белгечлегенә өйрәнергә мөмкин.
Тулырак мәгълүмат алу өчен телефон: 8 (843) 222-05-57, өстәмә 5801, 5803.
