Кечкенә питрәчлеләр хәрби хезмәткәрләргә рәсемнәр җибәрделәр

Питрәчнең «Бәләкәч» балалар бакчасында тәрбияләнүчеләр хәрбиләргә рәсемнәр ясадылар һәм аларны Лисичанскка җибәрделәр.

Җавап итеп хәрбиләр балалар бакчасы хезмәткәрләренә һәм яшь рәссамнарга рәхмәт белдереп видео яздырганнар.

"Рәсемнәрегез өчен чын күңелдән рәхмәт белдерәбез. Аларны алу безнең күңелгә рәхәтлек бирә. Без юкка гына көрәшмәвебезе аңлыйбыз. Рәхмәт сезгә!", - дигән командир видеоязмада. 

Хәзерге вакытта 6 тәрбияләнүченең әтисе хәрби операция зонасында, мәктәпкәчә учреждениегә шулай ук сугышта һәлак булган кешенең кызы йөри.