«Кыңгыраучык» балалар бакчасында тәрбияләнүчеләр ветеринария хезмәтендә экскурсиядә булдылар
Яшь кунакларга бигрәк тә клиника пациентлары белән очрашу ошады
«Кыңгыраучык» балалар бакчасында тәрбияләнүчеләр Питрәч районының ветеринария хезмәтендә булдылар. Ветеринария табиблары алар өчен экскурсия үткәрделәр һәм үз һөнәрләре турында җентекләп сөйләделәр.
Балаларны кабул итү кабинеты эше белән таныштырдылар, анда хайваннарны карыйлар, прививкалар ясыйлар, яраларын эшкәртәләр, колакларын чистарталар һәм тырнакларын кисәләр. Балаларга ветеринарларның төрле эш коралларын күрсәттеләр. Яшь кунакларга клиника пациенты – Стрелка исемле эт белән очрашу аеруча да ошады. Ветеринария-санитария экспертизасы лабораториясендә аларга сөт һәм балны ничек тикшерүләрен күрсәттеләр.
Тәрбиячеләр ветеринария хезмәткәрләренә кызыклы һәм файдалы чара өчен рәхмәт белдерделәр. Балалар ветеринарларның эше һәм хайваннарны кайгыртуның мөһимлеге турында күп яңалыклар белделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
