Ленино-Кокушкинодан яшьләр хәрәкәте экоконкурста катнаша

ТР Экология һәм табигый байлыклар министрлыгы ярдәмендә безнең районда «Чиста булачак» яшьләр экология хәрәкәте эшен дәвам итә. 20дән артык укучыны берләштерүче хәрәкәтнең иң актив командасы Ленино-Кокушкино Яшьләр үзәге базасында эшли. 

Һәм алар экологик икеайлыкка багышланган республика конкурсында катнашалар. Аларны төрле биремнәр көтә: командаларның видеовизиткалары, экологик дәресләр һәм, әлбәттә, өмәләр. Барлык биремнәр «Чиста булачак» республика хәрәкәтенең рәсми сайтында
бастырылачак. Анда теләге булган һәркем катнаша ала. 

– Конкурска теләсә кайсы учреждениедән алты кешедән торган командалар, балалар да, өлкәннәр дә кушыла ала: мәсәлән, балалар бакчасы, мәктәп, мәдәният йорты. Һәр бирем өчен баллар исәпләнә. Иң күп очко җыйган кеше җиңәчәк. Ә төп бүләк – безнең авылыбызның
чисталыгы, – дип сөйләде хәрәкәт кураторы Софья Агаджанян. 

ТР Экология һәм табигый байлыклар министры Азат Җиһаншин узган республика брифингында быел ике айлыкның Хәрби һәм хезмәт батырлыгы елы кысаларында үткәрелүен искәртте. Шуңа күрә Бөек Ватан сугышында катнашучылар һәм герой-якташлар хөрмәтенә куелган һәйкәлләргә басым ясалачак.