Мошенниклар Питрәч дачникларын алдалап акчаларын урлый
Июль аенда шундый 2 хәл теркәлгән.
Беренчесендә тышкы кыяфәтләре белән чегәнгә охшаган өч ир-ат «Меша-1» бакчачылык ширкәте хуҗасына йорт тирәли отмостканы яңартырга тәкъдим иткән. Эш өчен түләү суммасын 44 мең сум дип билгелиләр. Заказчы 29 мең сумны банк картасына күчергән, ә калган 15 мең сумны үзен Николай дип таныштырган ир-атка биргән. Җинаятьчеләр безнең илдә җитештерелгән ак төстәге җиңел автомобильдә хәрәкәт иткән.
Шундый ук очрак 2 атнадан тагын кабатлана, «Родник» бакчачылык ширкәтендә була. Бу юлы зыян күрүчегә бакча участогында баскыч ясарга тиеш булалар. Әмма аны эшләмәгәннәр һәм элемтәгә чыкмаганнар, ә эш өчен алдан 12 мең сум акча күчергән булганнар.
Россия Эчке эшләр министрлыгының Питрәч районы буенча бүлеге питрәчлеләрдән сак булырга һәм мошенникларга бирешмәскә чакыра.
Следите за самым важным и интересным в Telegram-каналеТатмедиа
