Питрәч районы Күн авылында Раушания Юкачева каберенә таш куелды

Питрәч районы Күн авылында Татарстанның халык артисткасы Раушания Юкачева каберенә таш куелды. Әлеге уңайдан артистны туганнары, хезмәттәшләре, авылдашлары искә алды.

Раушания Юкачеваның кызы Светлана Хаметова таш куярга ярдәм итүчеләргә һәм искә алырга килүчеләргә рәхмәтен белдерде.

«Хөрмәтле Камал театры артистлары, авылдашлар сезгә бик зур рәхмәт, әнине зурлап искә алырга килгәнегез өчен. Мин әнине бик сагынам, юксынам. Камал театрының җитәкчеләренә шундый матур ташны ясатырга финанс яктан ярдәм күрсәткәннәре өчен зур рәхмәтемне җиткерәм. Ташның авторы Дмитрий Кузнецов аны нәкъ без теләгәнчә ясап бирде, рәхмәт», – диде ул.