Питрәч районында халык саны арту күзәтелә

Халык санын исәпкә алу-2020 кешеләрнең Татарстан районнарыннан я зур шәһәрләргә, я алар янындагы районнарга китүен күрсәткән.

Бөтен республика буенча нәкъ менә Питрәч районында халык саны арту күзәтелә. Соңгы мәгълүматлар буенча үсеш 113,8 процент тәшкил иткән. Лаеш, Биектау, Тукай һәм Әлмәт районнарында да үсеш күзәтелә. 

Ә менә Чүпрәле, Аксубай, Тәтеш, Нурлат районнары киресенчә халык санының кимүен күрсәтте. Лениногорск, Бөгелмә, Чистай кебек чагыштырмача зур шәһәрләре булган районнар, шулай ук Арча, Балтач, Актаныш, Мөслим районнары да минуста тора.