Питрәчтә шагыйрь Газинур Әхмәтҗанов белән очрашу булды
Чарага шигърият һәм татар мәдәниятен яратучылар җыелды.
Питрәч үзәк китапханәсендә танылган татар шагыйре, композиторы Газинур Әхмәтҗанов белән очрашу булды. «Шигырьләрдә минем йөрәгем» дип исемләнгән чара шигърият һәм татар мәдәниятен яратучыларны җыйды.
Газинур Әхмәтҗанов – бик күп популяр җырларга шигырьләр һәм музыка авторы. Очрашу барышында ул үзенең әсәрләрен укыды, иҗат юлы турындагы истәлекләре белән уртаклашты һәм җырлар өстендә эшләве турында сөйләде.
Махсус кунаклар — Гөлшат Нуриева, Рада Әхмәтгаязова, Ландыш Баһави һәм Айдар Якупов чыгышлары кичәгә аерым бер мохит өстәде.
Тамашачылар артистларга җылы алкышлар белән рәхмәт белдерделәр һәм мондый очрашуларның районның мәдәни тормышында мөһим вакыйгага әверелүен билгеләп үттеләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
