Питрәчтә яңартылган "Батыр" кинотеатры Яңа ел алдыннан ачылачак

Питрәч авылындагы «Батыр» кинотеатрында төп төзелеш-монтаж эшләре тәмамланды. 

Кинотеатрны декабрь ахырында ачу планлаштырыла, ә фильмнар күрсәтү гыйнвар башында ук башланачак.

Яңа ел каникулларында район балалары өчен кинокартиналар күрсәтүне оештыру планлаштырыла", — дип аңлаттыдип белдерде район матбугат сәркатибе Ләйсән Мифтахова.

Объектны район башлыгы Илһам Кашапов карады. Ул бинаны ремонтлау нәтиҗәләрен бәяләде, кинотеатр хезмәткәрләре белән аралашты. 

Кинотеатрда капиталь ремонт быел яз башланган иде. Эшчеләр беренче эш итеп бинаның түбәсен тәртипкә китерделәр, аннары җылылык, электрика, сантехника алмаштырылды, фасадны яңарттылар, бизәкләү эшләре башкарылды. Гомумән алганда, эшләр сигез позиция буенча оештырылдыы.