Россия Герое Иван Додосов: «Бу юлы мин Яңа елны өйдә каршы алу бәхетенә ирештем»
«Ниһаять, мин өйгә кайттым. Бу Яңа елны мин гаиләм белән уздырачакмын», - дип уртаклашты Иван Додосов.
- Иң истә калырлык мизгелләр - сине яраткан һәм көткән җиргә кайту. Август аенда мин Россия Герое исемен алдым. Бу минем тормышымда иң истәлекле вакыйга. Мин Россия Президенты Владимир Путин белән шәхсән аралаштым. Хезмәт урыныннан мине барлык дусларым һәм танышларым, танк училищесыннан укытучыларым каршы алды, хәтта оркестр да бар иде. Болар барысы да кадерле. Бу гомергә бер тапкыр гына була торган хәл. Белем алган беренче мәктәбемә минем исемне бирделәр, бу да минем өчен зур горурлык. Мин белгәннәрнең барысы да укытучыларым тырышлыгы. Бу юлы мин Яңа елны өйдә, якыннарым һәм туганнарым белән каршы алу бәхетенә ирештем.
Следите за самым важным и интересным в Telegram-каналеТатмедиа
