Россиядә автомобильнең номерлары күренмәгән өчен штраф сала башларга мөмкиннәр
Мондый проект 13 майда хөкүмәт комиссиясенең закон проекты эшчәнлегенә багышланган утырышы көн тәртибенә кертелгән.
Россия хакимияте автомобиль номерларын идентификацияләүне кыенлаштыра торган җайланмалар кулланган өчен штраф кертергә ниятли. Бу хакта «Интерфакс» яза.
Документта теркәү билгеләрен маскировкалау яки үзгәртү җайланмалары белән җиһазландырылган транспорт чарасы белән идарә иткән өчен административ җаваплылык каралган.
Шулай ук номерсыз, язылышы үзгәртелгән номерлар яки аларны идентификацияләүгә каршы махсус материаллар кулланып йөргән өчен штраф кертергә тәкъдим ителә. Ел дәвамында дәүләт номеры булмау белән бәйле кабаттан хокук бозганга күбрәк штраф салыначак.
Следите за самым важным и интересным в Telegram-каналеТатмедиа
