Мәгариф
Россиядәге барлык мәктәпләрдә тәрбия буенча киңәшчеләр барлыкка киләчәк
Бу хакта җомга көнне мәгариф министры Сергей Кравцов хәбәр итте.
Яңа уку елыннан Россиянең барлык төбәкләре мәктәпләрендә тәрбия буенча киңәшчеләр барлыкка киләчәк.
«Һәр төбәктә, федераль өстәмә түләү белән, тәрбия буенча киңәшче вазифасы кертеләчәк», – дип төгәлләштерде министр.
Исегезгә төшерәбез, вазифа рәсми рәвештә «балалар иҗтимагый берләшмәләре белән тәрбия һәм хезмәттәшлек буенча директор киңәшчесе» дип атала. 2021 елның мартында ул илнең ун төбәгендәге мәктәпләрдә сынап карау рәвешендә кертелде. 2022 елның 1 сентябреннән 35 төбәк мәктәпләрендә 17,5 меңнән артык шундый киңәшче эшкә керешкән.
Следите за самым важным и интересным в Telegram-каналеТатмедиа
