Питрәч укучылары турникта тартылу буенча яхшы нәтиҗәләр күрсәтәләр

Турникта тартылу гәүдә өчен иң мөһим күнегүләрнең берсе булып тора.  Ул җилкә мускулларын ныгыту өчен куркынычсыз санала.

Элек барлык ишегалларында да турниклар була иде, анда балалар да, яшьләр дә, өлкәннәр дә шөгыльләнде. Чыдамлыкка  ярышлар үткәрелде. Әлегә кадәр бу спорт төре яшүсмерләр арасында популяр. Шулай итеп егетләр армиядә хезмәт итәргә әзерләнә, анда турникта тартылу төп физик күнегүләрнең берсе булып тора.
ГТО нормативлары буенча 11-12 яшьлек егетләр - 3-7, 13-15 яшьлекләр - 6-12, 16-17 яшьлекләр - 9-14 тапкыр күтәрелергә тиеш. Әмма һәркем дә бу нормативларны үти алмый, шулай да башкалар өчен үрнәк булырлык егетләр дә бар.

Спортның бу төре белән 9-10 яшьтән шөгыльләнергә кирәк, - ди районның тәҗрибәле тренерларының берсе, Ленино-Кокушкино мәктәбенең физкультура укытучысы Алексей Чукуров. - Дәресләр расписаниесендә тартылу көч күнегүләре составына керә. Нигездә, балалар нормативларны үти. Даими шөгыльләнүчеләргә җиңелрәк. Балаларга төрле күнегүләр ошый. 

Дәресләрдә, мәсәлән, штанга дисклары белән күнегүләр ясыйбыз, бу кешенең авырлыгын арттыра, - дип билгеләп үтә ул.
Балалар арасында рекордсменнар да бар. Данил Жиганов һәм Азат Минҗанов 20 тапкырдан артык тартылалар. Алар мәктәптә генә түгел, буш вакытларында да спорт белән актив шөгыльләнәләр. Данил Азнакайда узган турнирда күп төрле ярыш буенча авыл районнары арасында шәхси зачетта беренче урынны алды.
Беренче мәктәп укучысы, ГТО буенча район җыелма командасы әгъзасы Павел Пушков та тренировкаларга күп вакыт бирә.Миңа 16 яшь, шуның 10 елында турникта тартылам. Әти минем өчен өйдә турник ясады. Иртән, мәктәптән соң, кичен шөгыльләнәм. Көч күнегүләре миңа чаңгы ярышларында һәм армспортта булыша, чөнки бу спорт төрләрендә мускулларның көче бик мөһим. Хәзер 20 тапкыр җиңел генә тартылам, - дип сөйләде 16 яшьлек Павел.
Берничә тапкыр дөнья чемпионы Артур Макаров, Россия һәм республика ярышлары призерлары Дмитрий Фурсов һәм Антон Фирсов 30-40 тапкыр күтәреләләр.

Безнең спортта физик күнегүләр белән шөгыльләнү бик мөһим роль уйный, шуңа күрә моңа зур игътибар бирәбез, - дип йомгаклады сүзен атказанган спорт мастеры, армспорт буенча Россиянең атказанган тренеры Сергей Блохин.