“Россия чаңгы юлы-2019” үзенә чакыра
Быел традицион һәм популяр чаңгы ярышлары 9 февральдә үтәчәк. Безнең районда ярышлар барлык торак пунктларда да булыр дип көтелә, төп ярышлар наратлыкта, стадионда узачак.
Старт сәгать 10да биреләчәк, стартка беренче булып яшүсмер кызлар һәм малайлар (5-8 сыйныфлар) чыгачак, алар 1,5 километр, олырак малайлар һәм кызлар ике тапкыр озынрак арада – 3 километрда узышачак. Хатын-кызлар, ветераннар һәм җитәкчеләр 1,5 километр, ир-атлар 3 километр арада ярышачак.
Катнашучыларны теркәү 9.00 сәгатьтә башлана.
“Россия чаңгы юлы-2019” программасына шулай ук концерт программалары, уеннар һәм конкурслар керә.
Барлык спорт яратучыларны чаңгы трассаларында кышкы ялга көтеп калабыз!
0+
Следите за самым важным и интересным в Telegram-каналеТатмедиа
