Питрәч ЮХИДИ хезмәткәрләре рейд барышында 9 исерек шоферны тоткарлады

Узган атнада бәйрәм көннәрендә ЮХИДИ хезмәткәрләре 9 исерек шоферны тоткарлады. Моннан тыш автоинспекторлар исерек хатын-кыз шоферларга да юлыкты. 13 июньдә джип белән идарә итүче хатын-кыз тоткарланды. Машина салонында бала да булган.
Медицина тикшерүе ачыклаганча, ул шактый ук исерек булган - алкотестер 0,75 промиль күрсәткән.
14 июньдә төнлә Шәле авылыннан исерек шофер тоткарлана. Ул да медицина тикшерүе үтте һәм аның алкоголь куллануы ачыкланды.
Ике машина йөртүчегә дә административ материал төзелде һәм машиналар автотукталышка куелды.