Белкино авылында үзара салым программасы буенча эшләр башланды

Белкино авылында Слободская урамында грейдер эшли. Ул урамда 280 метр озынлыктагы юлны вак таш җәюгә әзерли.

Тиздән бу урынга вак таш китерергә тиешләр, - дип билгеләп үтте җирлек башлыгы Алексей Меньшов. – Бу урамдагы юл төзекләндерелгәннән соң Чертово авылындагы Хлебная урамына күчәчәкбез. Анда 60 метрлы юлга бут ташылары салыначак, - дип планнары белән уртаклашты ул.

Һава шартлары яхшы булганда, эшләр киләсе атнада ук төгәлләнәчәк. Төзекләндерү эшләре үзара салым республика программасы хисабына алып барыла. Халык анда актив катнаша. Быел барлык халыкның 90 проценты үз акчаларын керткән. Җирлек зур түгел, анда барлыгы 204 кеше теркәлгән. Әмма уртак көч белән һәм республика ярдәме белән алар үзләре өчен уңайлылык тудыралар.