Республиканың Гидрометеорология үзәге шул турыда хәбәр итә.
Бүген, 25 августта, Татарстан территориясендә кабат эссе һәм явым-төшемсез һава торышы көтелә.
Шул ук вакытта температураларның җитди тирбәлеше фаразлана: төнлә +10 градустан +15 градуска кадәр, ә республика көнбатышында +18 градуска кадәр, көндез +28 градустан +33 градуска кадәр була.
Исегезгә төшерәбез, аномаль эсселек аркасында республикада 20 августтан шторм кисәтүе гамәлдә. Урман янгыннары куркынычының иң югары дәрәҗәсе – гадәттән тыш куркыныч классы саклана.
