Бүләккә - спорт киемнәре

Чара "Мәктәпкә җыенырга булыш!" акциясе кысаларында узды.
Бүләкләр алган барлык балалар - күп балалы һәм аз тәэмин ителгән гаиләләрдән. Шуңа күрә моңа балалар дә , шулай ук әти-әниләре дә бик сөенде. Яшь әни Альбина Демьяненко сүзләренчә, алар өч бала үстерәләр, бу акциядә беренче тапкыр катнашалар. Спорт киемен аларның өлкән улларына тапшырдылар. Киләсе елга уртанчы улларын мәктәпкә әзерләячәкләр. Кечесе исә әле бик бәләкәй.
- Спонсорларга рәхмәт! Без мондый ярдәмгә бик шат! - дип билгеләп үтте яшь әни.
Район башкарма комитет җитәкчесе урынбасары вазыйфаларын башкаручы Альберт Хәбибуллин һәм мәктәп директоры Хәбир Сәйфетдинов тарафыннан Питрәч икенче мәктәбендә укучы 28 балага спорт киемнәре тапшырылды.
Бу мәктәптә беренче сыйныфта укучы күп балалы һәм аз тәэмин ителгән гаиләләрдән 23 бала "Мәктәпкә җыенырга булыш!" акциясе кысаларында букча һәм мәктәп кирәк-яраклары алачак.