Казан-Питрәч маршруты буенча автобусларның эше тәртипкә китереләчәк
ТР Транспорт һәм юл хуҗалыгы министрлыгы Казан-Питрәч маршруты буенча автобусларның эшен тәртипкә китерергә күрсәтмә бирде
Социаль челтәрләрдә Питрәч халкы «Казан-Питрәч» маршруты буенча автобус йөрү графигы пассажирлар өчен уңайсыз оештырылуына зарланды. Аларны иртәнге һәм кичке рейсларның булмавы, машиналардагы урыннарның аз булуы борчый.
ТР Транспорт һәм юл хуҗалыгы министрлыгында әлеге шикаятьләргә җавап бирделәр һәм автобусның әлеге маршрут буенча эше җайга салыначак, дип ышандырдылар.
Казан-Питрәч транспорт хезмәтен күрсәтүне оештыру буенча эш алып барыла. Маршрутларның эшен муниципальара маршрут буенча даими пассажирлар йөртүне гамәлгә ашыру турындагы таныклыкка туры китерү күрсәтмәсе бирелде", - дип билгеләп үтелде министрлык аңлатмаларында.
Следите за самым важным и интересным в Telegram-каналеТатмедиа
